PEJ XEEM LUB ROOJ SIB HAIS THIAB TAWM SUAB: KHO NTXIV TSEEM CEEB RAU QHOV KEV NPAJ UA NTAWM CDBG XYOO 2024-2025
November 12 @ 6:00 pm - 8:00 pm
TSAB CEEB TOOM TXOG LUB ROOJ TXIAV TXIM RAU SAWV DAWS THIAB LUB NCUA SIJHAWM MUAB LUS XAM POM NTAWM SAWV DAWS RAU IB QHOV KEV KHOOV KHO NTXIV TSEEM CEEB RAU QHOV KEV NPAJ UA NTAWM CDBG XYOO 2024-2025
Hnub tim 11 lub Kaum Hli Ntuj xyoo 2024
CEEB TOOM RAU PAUB LAWM, hais tias lub Xab Pha Nroog Clovis yuav teeb tsa ib lub rooj txiav txim rau sawv daws nyob rau hnub tim 12 lub Kaum Ib Hlis xyoo 2024 thaum 6:00 p.m. nyob rau hauv cov Chav Sab Laj Hauv Xab Pha Nroog Clovis uas nyob ntawm 1033 Fifth Street, Clovis, California txhawm rau ntsuam xyuas thiab sab laj txog kev pom zoo ntawm Kev Hloov Kho Ntxiv Tseem Ceeb rau qhov Kev Npaj Ua ntawm Txoj Kev Pab Txog Kev Tsim Kho Zej Zog (Community Development Block Grant, CDBG) Xyoo 2024-2025 raws li tau muab piav qhia hauv qab no. Lub tsev kho mob muaj hauv nkag tau yooj yim uas npaj txhij rau cov tib neeg uas muaj teeb meem kev txav mus los.Lub rooj txiav txim yog ib lub hwv tsam los txiav txim siab txog cov lus xam pom los sis cov kev xav ntawm cov pej xeem, cov chaw sawv cev rau sawv daws, thiab lwm cov neeg uas muaj kev txaus siab hais txog Kev Hloov Kho Ntxiv Tseem Ceeb, raws li Teb Chaws Mes Kas Lub Chaw Saib Xyuas Vaj Tse thiab Kev Tsim Kho Nroog Loj (Housing and Urban Development, HUD).
Lub Nroog Clovis thov siv cov nyiaj CDBG uas muaj li ntawm $85,000 txhawm rau muab nyiaj ntxiv rau lub Tsev Ua Zaub Mov Hauv Clovis (Clovis Culinary Kitchen) thiab lub Phiaj Xwm Rov Tsim Kho Vaj Tse (Housing Rehabilitation Program), raws li hauv qab no:
- Lub Tsev Ua Zaub Mov Hauv Clovis, ntxiv $30,000 hauv Cov Nyiaj CDBG, Tag Nrho Cov CDBG Uas Hloov Kho Lawm: $85,000
- Lub Phiaj Xwm Rov Tsim Kho Vaj Tse, ntxiv $55,000 hauv Cov Nyiaj CDBG, Tag Nrho Cov CDBG Uas Hloov Kho Lawm: $155,000
Lus Xam Pom Ntawm Sawv Daws:
Los ntawm tsab ntawv ceeb toom no, lub Nroog Clovis pib qhov kev ntsuam xyuas ntawm sawv daws thiab lub ncua sijhawm muab lus xam pom uas siv sijhawm 30 hnub. Lub Nroog Clovis caw cov tog neeg uas muaj kev txaus siab rau, los sis tej zaum yuav raug cuam tshuam los ntawm cov haujlwm uas tau qhia txog saum toj no, txhawm rau xa cov lus xam pom ua ntaub ntawv ntawm tus kheej kiag, xa hauv xov tooj, xa raws kev xa ntawv los sis raws e-mail (saib cov xov xwm tiv tauj hauv qab no) thiab/los sis mus koom lub Rooj Txiav Txim Rau Sawv Daws txhawm rau muab lawv cov kev xav thiab cov lus xam pom rau. Kev koom tes ntawm pej xeem raug muab xam tias yog ib yam tseem ceeb ntawm tus txheej txheem Hloov Kho Ntxiv Ntawm CDBG thiab tau txais kev txhawb siab los ntawm HUD rau lub Nroog Clovis kom tau txais thiab muab cov lus xam pom ntawm sawv daws sib sau ua ke rau hauv nws tus txheej txheem ntawm qhov kev npaj thiab kev ntsuam xyuas.Txhua nqe lus xam pom ua ntaub ntawv yuav tau txais tsis dhau thaum 4:30 p.m. nyob rau hnub tim 12 lub Kaum Ib Hlis xyoo 2024, ntawm cov chaw nyob hauv qab no, thiab cov uas tau tsim nyob rau hauv lub rooj txiav txim rau sawv daws, yuav raug muab txiav txim siab thiab muab tso rau raws li yog cov ntaub ntawv txuas nrog nyob rau hauv cov ntaub ntawv Xa Mus Txhawm Rau Kev Hloov Kho Ntxiv.
Xav txhawb kom cov pej xeem thiab cov pab pawg xa cov lus xam pom sau ua ntawv los sis ua lus hais txog ntawm qhov kev hloov kho ntxiv tseem ceeb uas tau hais tawm los ntawm kev hu rau: Claudia Cázares, Thawj Tswj Hwm Phiaj Xwm Vaj Tse, 1033 Fifth Street, Clovis, CA 93612, Kuj tseem tuaj yeem tiv tauj tau rau Ms. Cázares ntawm (559) 324-2094, los sis raws email ntawm claudiac@clovisca.gov, Hnub Monday txog Friday, txij thaum 8:00 a.m. txog 4:30 p.m.
Cov Kev Pab Cuam Txog Hauv Kev Nkag thiab Hom Lus
Yog tias koj yuav tsum tau muaj kev pab ua kom yooj yim raws qhov tsim nyog los sis tsim nyog muaj kev pab txog hom lus, kev pab cuam txhais ntaub ntawv los sis kev pab txhais lus kom koom tau rau hauv lub rooj sab laj no, los sis xa lus tawm tswv yim ntawm sawv daws, ces thov caw tiv tauj rau Claudia Cazares ntawm (559) 324-2094. Kev ceeb toom 48 teev ua ntej yuav txog lub rooj sab laj yuav pab ua rau lub Nroog tsim tau cov kev npaj raws qhov tsim nyog kom ntseeg tau hais tias sawv daws nkag tau rau.
CEEB TOOM TXOG KEV TSIS SIB CAIS:
Nws yog txoj cai txhawb ntawm lub Nroog Clovis kom tsis txhob muaj kev sib cais raws haiv neeg, xim nqaij, keeb kwm haiv neeg, kev ntseeg, poj niam txiv neej, thiab kev nyiam rau sab poj niam txiv neej. Yog tias koj muaj lus tsis txaus siab los sis kev txhawj xeeb dab tsi, ces thov caw tiv tauj rau tus Neeg Cev Ncauj Cev Lus Txog Lub Phiaj Xwm 504 Hauv Nroog Clovis ntawm (559) 324-2060.
Puas Yog Xav Tau Kev Pab Tiv Tauj rau lub Nroog Clovis? Lub Chaw Pab Cuam Txog Kev Hloov Pauv Hauv California yuav muab cov Neeg Pab Txuas Lus uas tau txais kev cob qhia tshwj xeeb los rau cov kev sib tham hloov pauv rau cov neeg lag ntseg, tsis hnov lus zoo, los sis hais lus tsis tau thiab cov neeg uas siv lub xov tooj raws qauv Koj tuaj yeem siv qhov kev pab cuam no los tiv tauj rau lub Nroog Clovis los ntawm qhov hu rau 711.
